- إحنا مين ؟


تيم ابداع عبرة عن مجموعة من مهندسين في كليات فنون تطبيقية وفنون جميلة بيقدموا كورس القدرات التأهيلي للقبول في كليات الفنون لطلاب الصف الثالث الثانوي في جمهورية مصر العربية .هدف التيم مساعدة طلاب الصف الثالث الثانوي على اجتياز اختبار قدرات الفنون في كليات فنون تطبيقية وفنون جميلة من خلال كورس يقدمه مجموعة من افضل المهندسين في كليات الفنون

اضغط هنا للحجز لأداء اختبار القدرات لعام 2018

الكليات

Card image cap

فنون تطبيقية

كلية التطبيق الفني والوظيفي في شكل جمالي الذي يساعد في تقدم المجتمع

اعرف أكتر
Card image cap

فنون جميلة

كلية الفن والإبداع والابتكار الذي يساعد على الارتقاء بالمجتمع

اعرف أكتر
Card image cap

فنون جميلة عمارة

قسم يهتم بالجمال واظهار الفن في العمارة الخارجية والداخلية

اعرف أكتر

أبرز الأسئلة

دة إمتحان بيقيس قدراتك فى كلية فنون جميلة لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا ودة مش صعب نهائى بس عايز تدريب وتركيز مش أكتر ومش شرط تكون رسام بيكاسو يعنى
يعتبر إمتحان القدرات حاجتين عمارة وفنون ملهمش علاقة ببعض نهائى.
إمتحان عمارة بيأهل لقسم عمارة وديكور لعلمى فقط إمتحان فنون بيأهل لقسم جرافيك ونحت وتصوير وديكور لعلمى وادبى ممكن تختار أى حاجة بس المهم لو عايز تضمن ادخل الأتنين لأنك بتروح قبل ما تعرف نتائج الكلية .
بص انت أول ما تخلص إمتحانات تكون حجز الكورس و تاخده مع تيم ابداع وتستنا الكلية اول ما تعلن معاد الامتحان وتروح تقدم على الامتحان وتمتحنه في الكلية وطبعا تكون مسجل في التنسيق على النت في الكلية اللي هتمحن فيها و تقدم افادة التقديم.
امتحان عمارة ملوش علاقة بانك تكون رسام او لا لانه عبارة عن رسومات هندسية بيجبلك سؤالين اول سؤال رسم بمنظور هندسى بيطلب منك ترسم بوابة مدرسة تجمع مبانى سكنية ودة رسم بالمسطرة واقلام رصاص 3b/ 6b واول ما الاجازة تيجى هنشرح على المنتدى ازاى ترسمه ودة مثال بسيط تانى سؤال دة عبارة عن الثقافة المعمارية ومتتخضش من كلمة ثقافة دة عبارة عن سؤال كلامى ملوش علاقة باى رسم بيجبلك 4 صور وانت بتقول ايه الصور دى وبتكتب معلومات عنهم مثلا صورة الاهرامات وانت تكتب كل اللى تعرفه ودايما تلاقى الحاجات دى موجودة فى الملزمة اللى فى الكلية بس مش كلها .
الكلية دى بالنسبة لعمارة ممكن تاخدها تمرين لو عايز تدخل هندسة ولو مجموعك فرق على درجتين تلاتة اقل من هندسة قدم عمارة وبتاخد نفس الشهادة وبتبقى تبع نقابة المهندسين ومستقبلها احسن من هندسة معمارة لانك بتدرس جانب هندسى وتذوقى وفنى يعنى قدرات ذات طاقة دفع ثلاثية بالنسبة لديكور لو مجموعك اقل من هندسة ب 15 درجة مثلا بتقدم ديكور وبتدرس نفس مواد عمارة بس عمارة داخليه وبتكون مهندس فنان ومش شرط دخولها موهبة بس ديكور اقل من عمارة فى انها متتبعش نقابة المهندسين للاسف مع انها كانت تتبع بس قريب باذن الله هتتبع النقابة ومستقبلها ممتاز جدااااااا برة مصر وجواها عدد مهندسين العمارة اكتر من مهندسين ديكور احسبها انت مع نفسك باقى اقسام فنون محتاجة موهبة اكتر من عمارة وديكور علشان فرص العمل تكون زيهم او اكتر انما عمارة وديكور مش محتاجين موهبة اوى وديكور بيدرس مواد هندسية ومواد فنية زى عمارة فى حاجات يعتبر قسم الديكور اسمه البديل عمارة داخلية وقسم جرافيك مش مجرد رسومات بالكومبيوتر وخلاص انما هو عبارة عن رسم بالسيراميك مثلا وبالتطبيقات والادوات والخامات ومحتاج موهبة .
أ/ عمارة- مجموعها اقل من هندسة بفروق بسيطةجدا -افضل من هندسة معمارى نظرا لدراسة الجانب الفنى.
ب/ديكور-مجموعها اقل من عمارة بقليل -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية.
ج/جرافيك- محتاجة موهبة وحب مجال - ادبى وعلمى.
د/تصوير - محتاجة موهبة وحب مجال - ادبى وعلمى.
ه/نحت - محتاجة موهبة 100% وحب مجال اكتر - ادبى وعلمى والترتيب دة بالنسبة للطالب المتوسط الموهبة اغلب الناس انما لو واحد موهوب فى الجرافيك مثلا يبقى الترتيب بالنسباله مركز اول جرافيك وهكذا.

أسألنا