فنون جميلة عمارة

قسم مستقل ليه تنسيق لوحده وبيدخله طلبة علمي رياضة بس.


Raised Image
Raised Image
Raised Image

ايه اللى يخليك تدخل قسم عمارة فى فنون جميلة مش فى هندسة ؟!!



علشان :


- ميزة رقم 1 :

* الدراسة *
- نفس المواد المعمارية و النظرية فى الكليتين .
- بس الميزة فى فنون جميلة إنك بتدرس مواد فنية زيادة بتنمّى عندك حاسة الفن و الإبداع فى العمارة .


- ميزة رقم 2 ودي 2 في 1 :

* التخصص *
- فى هندسة بتدرس سنة إعدادى (من غير تخصص) ، بعدها بتتخصص فى قسم معين و بتدرسه باقى ال 4 سنين ..
- بس خلّي بالك لو عايز تتخصص عمارة يبقى انت و حظك فى تنسيق اعدادى ، يمكن تجيب تقديرها و يمكن لآ ! ، فدى حاجة مش مضمونة للأسف .
- بس خلّي بالك لو عايز تتخصص عمارة يبقى انت و حظك فى تنسيق اعدادى ، يمكن تجيب تقديرها و يمكن لآ ! ، فدى حاجة مش مضمونة للأسف .


- ميزة رقم 3 :

* نقابة المهندسين *
- خريجين فنون جميلة عمارة تابعين لنقابة المهندسين زى خريجين هندسة بالظبط .


- ميزة رقم 4 :

*مجال الشغل*
- اوعا حد يضحك عليك و يقولك إنك مش مطلوب فى الشغل الخارجى ، و إن خريجين هندسة مطلوبين اكتر أو هما الأفضل.
دا أى كلااام ..
الشركات و المكاتب الهندسية بيختاروا الأشطر و الأكفأ فى شغله و اللى يقدر يفيد الشغل احسن.. فمحدش ممكن يكون أحسن منك غير بشغله مش بكليته .


- ميزة رقم 5 :

*اشمعنا عمارة دوناً عن كل الفروع الهندسية ، هى اللى بيدرسوها فى فنون جميلة؟*
عمرك سألت نفسك السؤال دا ؟
- من الآخر عمارة هى القسم الهندسى الوحيد اللى بيتصنف كـنوع من انواع الفنون ، لأنه بجمع بين الهندسة و الفن .. علشان كدا خصصوه كقسم مستقل بذاته فى كليات فنون جميلة.



نظام الالتحاق والدراسة بالكلية :

للانضمام للكلية يجب اجتياز امتحان القدرات بنجاح لقسم عمارة امتحان واقسام فنون امتحان اخر الدراسة بالكلية عملية ولا يتبع فيها نظام الانتساب.
ومدة الدراسة خمس سنين للحصول على درجة البكالوريوس.

- في قسم العمارة : خمس سنوات (منها سنة إعدادي في تخصص العمارة).في قسم ديكور خمس سنوات (منها سنة اعدادي في تخصص الديكور) .

- في أقسام الفنون : خمس سنوات (منها سنة إعدادية عامة لكل اقسام الفنون)... وتأخذ فنون جميلة طلاب علمى رياضة فقط لقسم عمارة بتنسيق منفصل .

- أما قسم الديكور هو قسم منفصل ويدخله طلاب علمى علوم أو رياضة فقط بتنسيق فنون بالنسبة لعلمى ويدرس الطالب اعدادى ديكور ثم اربعة سنوات ويتخصص في الصف الثالث شعبتين عمارة داخلية أو فنون تعبيرية على حسب اختيار الطالب.

- اما اقسام فنون فهى متاحة لادبى ومتاحة لعلمى وتكون تبعا لرغبات الطالب ويدرس الطالب بها اعدادى فنون ثم يتخصص جرافيك أو نحت أو تصوير تبعا لتنسيق داخلي ويعتبر قسم ديكور شامل كل الأنحاء وهو جزء لا يتجزء عمله مع المهندس المعمارى.


وطبعا بالنسبه لفنون جميله او تطبيقيه دول ليهم امتحان قدرات وشرط انك تعديه بعد طبعا متجيب مجموع علشان تدخل الكليات دي وده سيبوها عالينا احنا

تيم إبداع

كليات تانية

Card image cap

فنون تطبيقية

كلية التطبيق الفني والوظيفي في شكل جمالي الذي يساعد في تقدم المجتمع

اعرف أكتر
Card image cap

فنون جميلة

كلية الفن والإبداع والابتكار الذي يساعد على الارتقاء بالمجتمع

اعرف أكتر